Edhe pse gjithmonë në ekran e shohim si një grua të fortë, të arrirë, plot buzëqeshje e energji, ashtu si çdo human tjetër edhe aktorët e humorit kanë dobësitë e tyre. Rudina Dembacaj gjithmonë ka treguar rëndësinë që familja ka në jetën e saj dhe dedikimin ndaj tyre.
Rreth dy vite më parë, aktorja pësoi një ndër humbjet më të mëdha në jetën e saj, atë të babait. Një tragjedi kjo të cilën Rudina e kaloi me shumë vështirësi dhe dhimbje, e duke gjetur forcë te pjestarët e tjerë të familjes.
Pavarsësisht se koha kalon, ka dhimbje të cilat nuk harrohen e as nuk pakësohen. E tillë është humbja e babit për Dembacajn.
Lexo edhe:
Në një intervistë përballë Xherrit, mjaftoi pyetja se çfarë e bën aktoren nostalgjike, që kjo e fundit të prekej e të derdhte lot.
“Për çdo fjali që më thoshte babi im. Më mungon shumë. Sidomos në momentet e suksesit, atje ja ndjej mungesën më shumë se askujt. Unë rrethohem me shumë dashuri dhe me njerëz që më mbështesin, por fatkeqësisht askush nuk po mundet me zënë sado pak vendin e tij”, ka përfunduar Rudina mes lotësh.
Kjo bisedë e ndjerë preku edhe vetë Xherin e cila po ashtu mes lotësh u mundua që të ngushëllonte sado pak Rudinën e ta bënte të ndihej më mirë.
