Marina Vjollca dhe Getoar Selimi kanë qenë në qendër të mediave rozë, pasi u përfolën për një ndarje të mundshme pas disa vitesh martesë.
Gjithçka nisi nga një shprehje që Getoar Selimi shpërndau pak ditë më parë në instagram, e cila linte vend për interpretim se mes tij dhe Marinës ka një krizë në marrëdhënie.
Por nuk ka vonuar shumë dhe ditën e sotme, reperi ka ndarë dy video në instagram ku duket se po kalon kohë me partneren dhe vajzën e tyre, Marget.
Lexo edhe:
Videot janë xhiruar të dyja nga Marget e cila luan nga telefonin e të atit, teksa prindërit konsumojnë mëngjesin bashkë. Në videon e parë shfaqet vetëm reperi. Ndërsa në videon e dytë shihet Getoari në një tavolinë me Marinën të ulur përballë njëri tjetrin.
Moderatorja nuk duket me fytyrë në video, por detaji identifikues i saj janë 
flokët si dhe unazat që ajo mban në dorë, të cilat mund të dallohen lehtësisht edhe në fotot që ajo ka publikuar kohët e fundit në rrjetet sociale.
Prej disa muajsh çifti nuk kanë postuar foto dhe video së bashku në rrjetet sociale, kjo pasi moderatorja ka qenë e angazhuar edhe me programin e sportit “Kampionët”gjatë kampionatit Europian.
Ajo gjithashtu ka qëndruar pranë të motrës së saj, Luanës e cila përflitet se i ka dhënë fund lidhjes disa vjeçare me biznesmenin nga Kosova Krenar Çoçaj.
