Ana Lleshi është një nga ish konkurrentet e emisionit “Për’puthen” që bëri bujë me historinë e saj pasi një nga pjesëmarrësit e po këtij formati publikoi pamje me të në shtrat dhe tha se kishin kaluar natën bashkë. Kjo shkaktoi reagime të shumta tek publiku pasi bie ndesh me rregullat e emisionit, prandaj Ana nuk u rikthye më në program.
Mirëpo ka qenë pikërisht ajo që ka treguar dhe marrëdhënien e veçantë që gëzon me autoren e programit Olsa Muhameti dhe e ka suprizuar atë teksa ka qenë e ftuar në “N’Kosovë show”.
“Përshëndetje Olsa, kur mu kërkua të bëj një video mesazh për ty pranova pa hezituar. E para sepse ti je një autore shumë e mirë dhe e dyta femër shumë e fortë. Dua të falenderoj nga thellësia e zemrës për mundësinë që më dhe për t’u bërë pjesë e “Përputhen”, për të gjithë këshillat, të bërtiturat, për gjithçka që je ti sepse nëse ti nuk do të ishe kështu siç je, më beso ai program nuk do të funksiononte. Faleminderit shumë, të dua shumë dhe më fal për të gjitha herët që të kam mërzitur”, u shpreh Ana ndërsa Olsa tha se teksa dëgjonte video mesazhin iu rrëqeth mishi.
