Mbretëresha kërkon më shumë kohë për të reaguar ndaj intervistës bombë të Harry dhe Meghan

Pallati Buckingham është ende i tronditur nga intervista bombë e Princ Harry dhe Meghan.

Mbretëresha, Princi Charles dhe Princi William janë ende  të shokuar pas një sërë akuzash që Harry dhe gruaja e tij  hodhën ndaj familjes mbretërore. Me presionin në rritje për një deklaratë sot, personat e brendshëm të Pallatit  Mbretëror thanë se mbretëresha nuk ishte në gjendje  për të reaguar ndaj intervistës së çiftit.

Lexo edhe:

“Si nuk ke turp ore, të mundi Egla”, Luizi ia thotë në sy Jul Dedës, por ja si i përgjigjet aktori

Zvicra në referendum për të përcaktuar një tavan për popullsinë: 10 milionë, jo më shumë

Eleni Foureira flet për ndryshimin pas viteve të para të mbërritjes në Greqi: Në Shqipëri edhe bukën e gatuante mami vetë

Zhdukja misterioze e Renato Mekollit, pas 5 vitesh tregon kërcënimet që e detyruan të largohej

Intervista e çiftit në CBS natën e së dielës duket se ishte tronditëse për të gjithë botën  ndërsa çifti zbuloi shkallën e përçarjes së tyre me Mbretëreshën dhe personat e tjerë të pallatit mbretëror.

Princ Harry dhe Meghan Markle thanë gjatë intervistës, se para lindjes së djalit, një anëtar i familjes mbretërore, shprehu shqetësim rreth asaj sesa e errët do të ishte ngjyra e lëkurës së Archie.

Në intervistën e tyre, çifti foli për një sërë temash, përfshirë racizmin, shëndetin mendor dhe marrëdhëniet e tyre me mediet dhe anëtarët e tjerë të Familjes Mbretërore, madje dukesha tregoi se pas një fillimi të mbarë, çdo gjë u përkeqësua pas martesës dhe ajo nuk ndihej mbrojtur.

Ajo shkon më tej duke thënë se mendoi vetëvrasjen, kishte kërkuar ndihmë, dhe dëshironte të shkonte në spital, por nuk e lejuan.

Herry thekson se nëse familjarët do e kishin mbështetur, atë, bashkëshorten dhe djalin e tyre, atëherë nuk do të ishin larguar.   I pyetur për marrëdhëniet me vëllai e tij ai shprehet shkurtimisht se kanë nevojë për hapësirë për momentin, por koha do të shërojë çdo gjë.