Fansat e Glastonbury janë tërbuar pasi panë një grua në dukje si Mbretëresha Elizabeth në festivalin e fundit që zgjati për 5 ditë.
Gruaja misterioze u pa duke ndjekur nga afër performancën e këngëtarit Robert Plant në eventin muzikor Worthy Farm.
Një video e kapur nga një kamerë e BBC ka shkaktuar reagime të shumta në rrjet për ata që po e ndiqnin festivalin nga shtëpia.
Lexo edhe:
Në “Twitter”, një shikues shkroi: “Më pëlqen të shoh Mbretëreshën duke shijuar pak Robert Plant në Glastonbury”.
Kjo video vjen pas raportimeve se mbretëresha ka sfiduar mjekët duke u rikthyer të kalërojë vetëm pak ditë pasi ajo u pa, pa bastunin me të cilin ishte shfaqur kohët e fundit.
Nëntë muaj më parë ajo u këshillua të ndalonte kalërimin, por thuhet se 96-vjeçarja i është rikthyer sërish atij në Windsor.
