Këngëtarja e njohur shqiptare ka marrë vendimin që të fshijë të gjithë fotot në rrjetin social Instagram, duke lënë vetëm foton e fundit që është e veshur me vello të bardhë dhe kokën të mbuluar me shami të kuqe.
Nuk e dimë se ç’ka në mendje, por me siguri, këngëtarja Dafina Zeqiri do të na surprizojë sërish.
Mbi kokë, Dafina mban një vello të kuqe, me anë të së cilës ka mbuluar edhe fytyrën, ndërkohë që mund të shihet edhe fustani i bardhë, i hapur në pjesën e gjoksit dhe me krahë të fryra.
Lexo edhe:
Duket se së shpejti Dafina do të lançojë albumin e titulluar “Dafinë moj”, për të cilin ka njoftuar prej kohësh, duke shtuar se ky album ka një rëndësi të veçantë për të dhe familjen e saj, e sidomos për nënën.
Ndryshe nga herët e tjera, në këtë album do të marrë pjesë edhe nëna e Dafinës, së cilës këngëtarja i ka lënë një vend të veçantë. Ajo do të këndojë në pjesën hyrëse të albumit.
Kjo ndoshta është edhe arsyeja që nëna e Dafinës është e dhënë pas këngës dhe ka kënduar në rini.
