Ky është 37-vjeçari nga Elbasani, i cili humbi jetën këtë të enjte në spitalin “Shefqet Ndroqi”, pasi ishte infektuar nga koronavirusi.
Mësohet se i riu, Elton Gegolli ishte ndjekur nga mjekët në Elbasan pasi kishte rezultuar pozitiv me Covid-19, por pasi gjendja e tij u përkeqësua me kalimin e ditëve, ai u dërgua në Tiranë, ku u shtrua në spitalin Covid 2.
Prej 10 ditësh i shtruar në spitalin “Shefqet Ndroqi”, i riu nuk e ka fituar dot betejën me sëmundjen dhe ka ndërruar jetë mëngjesin e sotëm.
