Duket se reshjet e shiut që pushtuan vendin tonë, kryesisht Tiranën gjatë ditës së djeshme, kanë bërë paksa nostalgjike Monika Lubonjën. Teksa po udhëtonte me makinë, shiu i ka sjellë ish-banores së “Big Brother VIP” një çast malli.
Aktorja e njohur ka publikuar në rrjetet sociale një video ku interpreton vargjet e një prej poezive më ikonike të shkrimtarit të madh Ismail Kadare.
Dhe thënia e vjetër e Heraklitit/ Seç mu kujtua sot për dreq/ “Të zgjuarit janë bashkë në këtë botë, kurse të fjeturit janë veç””, interpreton ajo disa nga vargjet e poezisë ‘Ca pika shiu ranë mbi qelq’ të Kadaresë.
Ndërkohë bashkëngjitur me videon Monika ka shkruar: “Një tingull shiu më solli një çast malli”. Nuk mund të themi me siguri se çfarë i kujtoi shiu aktores, por me siguri dikë që nuk është më pjesë e jetës së saj.
