Kur na ndajnë edhe dy ditë nga mbyllja e aplikimeve për Lotarinë Amerikane, ambasada e SHBA në vendin tonë ka dalë me një njoftim të rëndësishëm, duke i bërë thirrje qytetarëve që të bëjnë kujdes nga personat që i kërkojnë para për aplikim.
Ambasada sqaron se për të aplikuar për lotarinë amerikane nuk ka asnjë pagesë, por është vetëm faqja zyrtar, mënyra e vetme për aplikim.
“Po aplikoni për Lotarinë Amerikane? Kini kujdes nga ata që kërkojnë para për t’ju ndihmuar. NUK KA pagesë për të aplikuar dhe dvprogram.state.gov është mënyra e vetme për të dorëzuar aplikimin tuaj”, thuhet në njoftim.
Lexo edhe:
Kujtojmë që regjistrimet për Programin e Lotarisë Amerikane 2024 u hapën më 5 tetor dhe do të mbyllen të martën, 8 nëntor 2022.
