Ka shumë thashetheme që janë përhapur rreth martesës së Kim Kardashian dhe Kanye West, dhe ndërsa asnjëri prej tyre nuk e ka konfirmuar lajmin, disa burime thonë se divorci ende nuk ka nisur.
Një person i brendshëm ka thënë se mes gjithë këtyre thashethemeve, çifti nuk ka bërë kërkesë për divorc.
“Kanë arritur në pikën kur nuk kalojnë kohë së bashku si një çift i martuar, prej muajsh. Ata janë me njëri-tjetrin për hir të fëmijëve, por kanë jetuar veç e veç. Kim e di që martesa ka mbaruar”, tha ai për E! News.
Lexo edhe:
Arsyeja pse Kim nuk ka bërë ende kërkesë për divorc është se ajo po sigurohet nëse po merr vendimin e duhur për fëmijët.
Kim dhe Kanye kanë katër fëmijë.
Burimi shtoi: “Nuk ka të bëjë me martesën, ajo gjithmonë do të kujdeset për Kanye por gjithçka ka mbaruar mes tyre. Kim është përqendruar në atë që është më e mira për fëmijët e tyre. Ky është një vendim i vështirë për të dhe ajo po e kupton”.
