Muaji gusht do të nisë me temperatura maksimale të cilat do të shkojnë deri në 40 gradë Celsius. Megjithatë, në ditët e para, do të ketë edhe vranësira apo reshje shiu, që do të freskojnë disi ditët e nxehta.
“Dita e shtunë është ajo që do të kemi më shumë prezencë të vranësirave, ndërsa pasdite pritet të kemi shtrirje të shirave në pjesën më të madhe të vendit. Temperaturat e ajrit do të mbeten të larta edhe në ditët e para të gushtit. Temepratura maksimale parashikohet 39-40 gradë, edhe pse do të kemi prezencë të vranësira. Duke filluar nga dita e martë e deri në fund të javës do të kemi herë pas here vranësira, duke sjellë edhe shtrëngata shiu, që do të sjellin një freskim të motit. Por, në 10-ditëshin e parë të gushtit temperaturat do të jenë të larta, mbi 36 gradë,” ka thënë sinoptikania Adiola Bani.
