Superylli ka pasur dy fëmijë me Mark Anthony, ndërsa njëkohësisht ka bashkëpunuar edhe profesionalisht, siç është filmi “El cantante”.
JLo ka nderuar në rrjetet sociale filmin, në të cilin ajo dhe Mark ishin çift, pasi ai luante këngëtarin portorikan Héctor Lavoe dhe ajo luante gruan e tij, Nilda Román.
Në kohën kur Jennifer Lopez dhe Marc Anthony publikuan filmin në vitin 2006, ata ishin martuar për pak më shumë se dy vjet dhe ishin në një nga momentet më të mira të marrëdhënies së tyre.
JLo gjithashtu bashkëprodhoi filmin me kompaninë e saj të prodhimit Nuyorican Productions dhe ishte filmi i parë i prodhuar nga kompania, të cilën ajo e themeloi me menaxherin e saj.
Jennifer Lopez postoi një klip të filmit, i cili u shfaq premierë 16 vjet më parë, dhe mbishkrimin e tij: “ Ky ishte filmi i parë që prodhova për Nuyorican Productions! Unë jam jashtëzakonisht krenare për këtë. Ne kemi bërë një rrugë të gjatë… Histori e mrekullueshme. Kast i madh. Aktrim i shkëlqyer .’
Pas premierës së filmit, JLo dhe Marc Anthony vazhduan lidhjen e tyre, duke u bërë një nga çiftet më të famshëm në botë dhe dy vjet pas premierës, këngëtarët mirëpritën binjakët e tyre, Ema dhe Max.
Në korrik 2011, Jennifer Lopez dhe Marc Anthony i befasuan të gjithë duke lëshuar një deklaratë për ndarjen e tyre dhe tre vjet më vonë, çifti u divorcua.
Pavarësisht se sa i dhimbshëm ishte ky kapitull në jetën e tyre, të dy mbajnë një marrëdhënie të përzemërt, veçanërisht për hir të fëmijëve që ndajnë. Tani, Jennifer Lopez është e martuar me Ben Affleck, me të cilin u bashkua pas vitesh, ndërsa Mark është fejuar me modelen paraguajane Nadia Ferreira.
