Të gjithë janë të frikësuar se çfarë mund të ndodhë nëse infektohesh nga COVID-19, një virus që ka pushtuar botën.
Përveç faktit se ky virus njihet për befasitë që ka kur futet në trupin e njeriut, që mund të të marrë edhe jetën, për shqiptarët një problem i madh është edhe përballimi nga ana ekonomike e kësaj pandemie.
Vip-magazine.al mori në intervistë një person që po e kalon COVID-19, të cilin duam ta lëmë anonim për shkak situatës së rëndë që ai paraqet.
Intervista e plotë:
Si e kuptuat që mund të ishin infektuar me covid-19?
Në 3 ditët e para që më filloj temperatura, e mora me sportivitet se mendova se jam ftohur. Por pas ditës së 3-të, temperatura po vazhdonte edhe pse pija çdo 4 orë paracetamol. Kontaktova me mjeken e familjes, bëra vizitë, bëra një grafi, bëra analizat e gjakut, sipas të gjithave këto rezultova me covid.
Cila ishte gjëja e parë që bëtë pasi filluat të dyshonit se jeni infektuar?
Gjeja e parë, fillova të marr ilaçet e nevojshme, gjilpërat, vitaminat C dhe Vitaminë D, hollus gjaku.
A kërkuat që të bënit tamponin?
kërkova të bej tamponin, njoftova mjeken e familjes, njoftova 127, një ditë isha dhe në urgjencë, por asnjëri nuk u kujtua për të më bërë tamponin.
Pasi u diagnostikuat me covid-19, çfarë bëtë?
U izolova në shtëpi dhe vazhdova të pije ilaçet sipas udhëzimeve të doktoreshës.
Çfarë ilaçesh keni përdoruar?
Në fillim kam përdorur Azitromicin, vitaminë C dhe vitaminë D. Për 6 dite. Pastaj më vonë kam përdorur gjilpëra Ceftriacone AbC për 7 ditë. Dhe tani jam në përfundim cefixime për 7 ditë.
Sa është kostoja e mjekimit në ditë për ju?
Kostoja në ditë është afërsisht tek 70 mijë lekë.
Sa herë e keni bërë skanerin?
Skanerin e kam bërë 2 herë në Privat. Nga 140 mijë skaneri, plus 40 mijë vizita tek doktoresha, që shikon si ka dalë skaneri.
Çfarë këshille keni për qytetarët?
Këshilla ime është, që mos kenë frikë për asgjë dhe mos bien pre e shpenzimeve të tepërta, por për çdo gjë të këshillohen me mjeken e familjes.
Si e vlerësoni sistemin shëndetësor në vendin tonë dhe ku qëndron problemi?
Sistemi jonë shëndetësor është pothuajse 0. Unë isha në urgjencë dhe po nuk dhe ndonjë lekë jo që nuk të vjen doktori, por nuk të sjellin as batanije me u mbuluar.
Sa e përballueshme është për ekonominë e një familje shqiptare për të kaluar covid-19?
Për familjet shqiptare qe janë të varfëra me rrogat tona, duhen minimalisht 2 muaj pune për të përballuar kovidin. Duhen mbi 1 mije euro për person.
Vip-Magazine.al
