Hyrja në vendet e BE s’do të jetë më falas, rregullat e reja që hyjnë në fuqi në maj të 2023

Të hysh në vendet e BE-së nuk do të jetë më falas. ETIAS, ose siç njihet ndryshe Sistemi Evropian i Informacionit dhe Autorizimit të Udhëtimit, bën të ditur zyrtarisht se të gjithë ata që dëshirojnë udhëtojnë në ndonjë nga vendet e zonës Shengen, do të duhet të aplikojnë dhe të marrin një vizë të tillë. Kjo vizë do të kushtojë 7 euro.

Rregullave e reja, të cilat pritet të hyjnë në fuqi në maj të vitit 2023, do t’u nënshtrohen jo vetëm qytetarët shqiptarë, por edhe ata të SHBA-së, Britanisë së Madhe, si dhe çdo vend që nuk është pjesë e BE-së.

Vetëm qytetarët e BE-së do të jenë të përjashtuar dhe kanë lirinë e lëvizjes nëpër Union. Për të gjithë të tjerët, ETIAS do të jetë i detyrueshëm. Kjo lëvizje prek rreth 60 vende.

Lexo edhe:

Probleme teknike në Albcontrol, TIA: Angazhim maksimal për normalizimin e fluturimeve, siguria mbetet prioritet

Rregullat që duhet të dini nëse udhëtoni drejt Shqipërisë me para ose bagazhe

Gati për pushimet e fundit? 4 hapa të thjeshtë për t’u organizuar pa stres para nisjes

Mos u ngrini menjëherë pas uljes së aeroplanit! Ja pse duhet të prisni në vendin tuaj

Procedurat

Procedura për të marrë një ETIAS është e shpejtë. Ajo bëhet në internet. Por ka disa kërkesa dhe kushton për ta marrë atë. ESTA do të kushtojë 7 euro. Miratimi i vizës pritet të jepet brenda pak minutave, për rreth 95% të aplikantëve, sqarohet në një document të BE-së. Por koha maksimale e nevojshme për miratim mund të shkojë dhe deri në një muaj në disa raste.

ETIAS do të jetë e vlefshme për një numër të pakufizuar hyrjesh për tre vjet. Mbajtësit e kësaj vize duhet t’u përmbahen rregullave të imigracionit dhe qëndrimit të tepërt në një vend.