Humbin jetën dy qytetarë për shkak të koronavirusit në Shqipëri

Ministria e Shëndetësisë bën me dije se dy qytetarët kanë humbur jetën si pasojë e koronavirusit.

“Gjatë 24 orëve të fundit, për fat të keq dy qytetarë nuk e kanë fituar dot betejën me sëmundjen, pavarësisht asistencës së madhe të mjekëve dhe trajtimit mjekësor.

Dy humbjet e jetës kanë qenë të papritura. Një 76 vjeçar nga Tirana, me disa sëmundje bashkëshoqëruese, pasi ishte përmirësuar pas 15 ditësh trajtim, ka pësuar tromboemboli pulmorare. Dhe një 54 vjeçar në gjendje të rëndë, me insuficencë renale, ka ndërruar jetë në urgjencën e spitalit. Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerëve.

Lexo edhe:

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

Ish-deputeti socialist bëhet babai i një djali, pas dy vajzave

Influencer me diplomë, tashmë ky profesion është edhe degë studimi në Universitet

“Nuk pëlqejnë t’i lënë gjërat në dorë të fatit” – Këto dy shenja të zodiakut mendojnë gjithmonë disa hapa përpara

Situata paraqitet serioze në spitalin infektiv ku aktualisht po trajtohen 87 pacientë, 15 prej tyre janë në terapi intensive, ndërsa 2 janë të intubuar.

Lajmi i mirë është se në 24 orët e fundit janë shëruar 48 qytetarë, duke e çuar në 1298 numrin e të shëruarve që nga fillimi i epidemisë.”-thuhet në njoftimin e Ministrisë së Shëndetësisë.