Heidi Baci dhe Romeo Veshaj kanë vendosur të lënë shtëpinë pas situatës së krijuar në suitë. Teksa po hanin darkën, në gjendje të rënduar emocionale, Romeo i ka propozuar Heidit të lënë shtëpinë!
Kjo e fundit ka pranuar pa u menduar dy herë dhe të dy janë drejtuar për në dhomë të rrëfimit për të bërë kërkesën. Menjëherë Vëllai i Madh ka hequr kamerën prej tyre, duke i censuruar për disa minuta.
Lexo edhe:
Më pas Heidi ka debatuar me vajzat për misionin duke thënë se nuk e mban dot zgjuar Romeon, pasi situata është aq e rënduar se ata kanë kërkuar të lënë shtëpinë!
Vajzat janë habitur nga kjo deklaratë, ndërsa vëllai i Madh i ka bërë thirrje Heidit të ketë kujdes mikrofonin. Kujtojmë se ky është sinjaliIm që banorët marrin kur nuk duhet të flasin për atë që po thonë.
Prej mbrëmjes së djeshme e gjithë shtëpia është përfshirë në debat, pasi çifti u fut në suitë. Kjo pasi Romeo e la vetëm Heidin në jacuzzi duke dalë në oborr për të debatuar me Julin.
Ka qenë Egla ajo që i ka thënë Romeos që nuk di të respektojë partneren e tij Heidin dhe e trajton atë si leckë. Pasditen e sotme, në shtëpi ka ardhur një parashutë, ku fansat i kërkonin Heidit të ketë kujdes nga Romeo, pasi ai është falso.
Aktori është prekur nga ky mesazh, duke u shprehur i shqetësuar për mënyrën si mund të ketë dalë në publik imazhi i tij. Ai ka qëndruar përgjatë gjithë ditës në suitë, në gjendje të rënduar emocionale.
I vetmi konkurrent që ka tentuar të shuajë debatin mes çiftit, ka qenë Meritoni i cili u ka kërkuar të dyve të flasin dhe të mos i lënë të tjerët të futen në raportin e tyre.
Nuk dihet nëse vendimi i Heidit dhe Romeos është përfundimtar, apo Vëllai i Madh i ka bindur që të vazhdojnë qëndrimin duke pasur parasysh faktin që të dy janë ndër pretendentët kryesorë për finale, si dhe për çmimin e madh.
Do të jetë spektakli i të shtunës, ai që do i japë përgjigje kësaj pyetje, për fatin përfundimtar të çiftit.
Heidi dhe Romeo festuan pak ditë më parë 2-mujorin e lidhjes së tyre të puthjes së parë, që i parapriu një lidhje dashurie që ka pasur uljet dhe ngritjet e saj në shtëpinë më të famshme në Shqipëri.
Raporti i tyre ka marrë edhe konfirmimet e familjarëve të çiftit. Pas dasmës që ata zhvilluan në Big Brother, Heidi takoi prindërit e Romeos të cilët kishin ardhur surprizë për djalin e tyre.
Nga ana tjetër, dashurinë e çiftit e suportoi edhe nëna e Heidit përmes një mesazhi në Big Love./Vip-Magazine.al/
