Historia që po trajtohet sot në studion e emisionit “Me Zemër të Hapur” të autores Evis Ahmeti në Neës24 është shumë e rëndë. Bëhet fjalë për të ndjerën Hati Deliaj, e cila humbi jetën më 4 gusht të vitit 2024.
Nga akti i ekspertimit mjeko-ligjor ka rezultuar se: “Në trupin e kufomës së shtetases Hati Deliaj vërehen ekimoza dhe dëmtim të fytyrës, trupit dhe anësive. Këto dëmtime janë shkaktuar me mjet të fortë, jo të mprehtë. Këto dëmtime hyjnë në kategorinë e atyre që sjellin humbjen e aftësisë për punë në masën deri në 9 ditë. Vdekja e shtetases Hati Deliaj ka qenë ndalimi i menjëhershëm i punës së zemrës (infarkt akut miokardi).”
Nga ana e ekspertëve nuk është përcaktuar nëse ndalimi i menjëhershëm i punës së zemrës (infarkti akut i miokardit) ka ardhur si pasojë e dhunës së ushtruar apo për shkaqe natyrore. Përcaktimi i këtij shkaku është shumë i rëndësishëm për përcaktimin e elementëve të veprës penale për të cilën dyshohet personi nën hetim, Engjëllush Deliaj.
Lexo edhe:
Familjarët e viktimës kërkojnë drejtësi, pasi autori i dyshuar i kësaj ngjarjeje është liruar me arrest shtëpie.
Në studion e emisionit është vëllai i Hati Deliajt, Gjergj Hasani i cili ka rrëfyer kronologjinë se si ka ndodhur ngjarja.
“Hati dhe Engjëllushi janë njohur me mblesëri. Ata nuk kanë fëmijë bashkë. Ishte data 2 gusht 2024 unë isha në shtëpi. Vëllai merr një telefonatë nga mostra, Shpresa në mbrëmje dhe e ka vënë në dijeni vëllanë se motrën e kishte marrë në telefon një kushërira jonë sepse Engjëllushi kishte marrë atë në telefon. I kishte thënë që Hati po vdes.
Si ka mundësi e ka pyetur aj dhe menjëherë merr në telefon motrën tonë Shpresën e cila mer fillimisht vëllanë e vogël më pas ne.
Kur telefonon familjen e Hatit i del në telefon një mbesë e Engjëllushit dhe i kërkon të flasë me Hatin. E sheh në video dhe kur e sheh në atë gjendje i thotë pse nuk e çoni në spital apo prisni të vdesë. Më pas kontakton policinë. Mbesa e Engjëllushit thotë se urgjenca vjen me 30 minuta vonesë. Si përfundim ambulanca e merr motrën e dërgon në spitalin e Vlorës. Engjëllushi kishte dhënën dëshminë para oficerit dhe ishte largua, përse nuk u arrestua në vend por u arrestua ditën tjetër? Motra ka shkuar në spital në një gjendje skandaloze. (përlotet) pamje të tmerrshme vetëm dridhej, sikur i kishin vënë elektroshokun. Vijuan me terapi intensive dhe asnjë reagim. I kishte shkuar diabeti 700. Në muajin mars ishte shumë keq, sepse vuante nga diabeti dhe bashkëshorti nuk e kishte dërguar në spital.
Kur e pa mjekja është tmerruar i tha ku ke jetuar në xhungël që nuk ke ardhur në spital. Pra ishte një projeksion ti merrte jetën në mënyra nga më të ndryshmet, siç ia arriti në fund.
Motra ka rezistuar në atë gjendje skandaloze deri në mbrëmjen e datës 4.
Rreth orës 23:00 ka ndërruar jetë. Kjo është ngjarja”, ka deklaruar ai.
