Hakerat publikojnë të dhënat e kryeministrit Edi Rama

Hakerat kanë publikuar të dhënat e kryeministrit Edi Rama.

Në postimin e radhës në faqen ‘Homeland Justice’ janë publikuar hyrje-daljet dhe letërnjoftimet e kreut të qeverisë.

Lexo edhe:

Erjon Vishkulli reagon pas operacionit në Itali, poston foton nga spitali

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

Nga auditorët në protestë, a mund të marrë Enkeleda Olldashi një rol përtej universitetit?

Krim i paralajmëruar në Kosovë, kunati i merr jetën gruas pasi denoncoi dhunën në familje

Disa ditë më parë hakerat publikuan të dhënat dhe hyrje-daljet në sistemin TIMS të kreut të SHISH, Helidon Bendo.

Publikimi i radhës është bërë nga faqja Homeland Justice dhe vjen në vazhdën e publikimeve të mëhershme të të dhënave konfidenciale të sisteme shqiptare.

Më herët hakerat publikuan lista të tjera, të cilat kishin në shënjestër punonjës të Policisë së Shtetit.

Që prej vitit 2021 Shqipëria ka rënë pre e sulmeve kibernetike. Një sulm kibernetik u shënua më 15 korrik të këtij viti që bllokoi të gjitha faqet zyrtare shtetërore dhe platforma e shërbimeve online e-Albania.

Ndërkohë, më 14 shtator u sulmua sistemi TIMS në të gjitha pikat kufitare të vendit. Për këto sulme Shqipëria ka fajësuar Iranin dhe ka ndërprerë marrëdhëniet diplomatike me këtë shtet.