76 vjeçarja Agafya Lykova, jeton në malet e Siberisë në Rusi, dhe familja e saj ishte aq e izoluar sa që nuk e dinin që Lufta e Dytë Botërore kishte ndodhur. Manjati rus i aluminit Oleg Deripaska ka vendosur ta ndihmojë.
Tashmë ajo që njihet si “gruaja më e vetmuar në botë”, do të ketë një shtëpi të re që po i ndërtohet, teksa do të vazhdojë të jetojë në mal, qindra kilometra larg fqinjëve më të afërt.
Familja e Lykova ishte vendosur në malet piktoreske ruse që kur tentonin t’i shpëtonin persekutimi fetar nga komunistët në vitin 1936.
Ajo është tashmë e vetmja e mbijetuar nga familja e saj, e cila vazhdon me stilin e jetesës së shekulilt të 18-të duke rritur e prodhuar vetë ushqimin e saj, e duke refuzuar komfortin e botës moderne në këmbim të mësimeve të Biblës.
Ata që njihen si “besimtarët e vjetër ortodoksë” janë ndarë nga kisha ortodokse në 1666, pasi protestuan për reformimin e saj, dhe shumë u zhvendosën në zona të largëta të Siberisë gjatë epokës cariste.
Tashmë shtëpia ku ajo ka lindur, e ndërtuar nga babai e vëlleërit e saj është rënuar me kalimin e viteve. Ajo jeton në rajonin Kakasia në Siberi, ku arinjtë dhe ujqërit dominojnë skenën e botës së egër.
Biznesmani rus Oleg Deripaska tha se kërkon ta ndihmojë gruan e vetmuar, duke u siguruar që ajo të vazhdojë të jetojë me stilin e saj në natyrën e egër. Një shtëpi një-katëshe është duke u ndërtuar për ta mbrojtur atë nga i ftohti, që arrin nëminus 50C në zonë.
Zyrtari lokal Alexander tha për çështjen: “Ne të gjithë tregohemi të kujdesshëm kur vizitojmë Agafya, për të mos e infektuar me sëmundjet e civilizimit. Ajo jeton si ‘Mogli’ dhe nuk ka hasur viruset e infeksionet e reja”.
Shtëpia e re që Deripaska po sjell për Agafya, vjen me 18 dergesa ajrore pasi në vendndodhjen e largët nuk arrin asnjë rrugë.
Shtëpia e familjes se saj ishte pikasur me ne fund aksidentalisht nga ajri prej një grupi gjeologësh sovjetikë.
56 vjeçari Nikolay Sedov, bir i një prej gjeologëve që zbuluan fillimisht shtëpinë në vitet 1970-të e ndihmon atë gjatë dimrit.
