Sara Hoxha pritet që shumë shpejt të bëhet nënë për herë të tretë. Mirëpo, edhe pse në muajin e gjashtë të shtatzënisë, duket se ajo ende nuk kanë një emër për vajzën.
Sara u shpreh se janë akoma në dilemë për emrin e së voglës që mezi po e presin.
“Unë zakonisht dal flas për intervista kur kam një projekt të madh siç është projekti im për momentin. Jam gjashtë muajshe, me dy fëmijët e parë ishte vendosur që në muajin e dytë, por goca e Ledionit është më e veçantë se sa çunat e Ledionit dhe asgjë nuk e bind për momentin. Ma ndërron edhe akoma jemi pak në dilemë”, tha ajo në shaka e sipër.
Kujtojmë se Sara është nënë e dy djemve, Roman dhe London, ndërsa tashmë do të bëhen me pjesëtaren më të re të familjes.
