Fjolla Morina po vijon të vuajë dënimin në arrest shtëpie, pasi u kap me dy armë në çantë në pikën kufitare të Morinës disa javë më parë, teksa ishte e shoqëruar nga bashkëshorti i saj i ardhshëm, Fisnik Syla.
Mirëpo kjo nuk e ka penguar këngëtaren që të vijojë planet e saj, kjo pasi ajo dhe partneri i saj Syla do të kurorëzojnë shumë shpejt dashurinë e tyre në martesë. Këtë periudhë çifti kanë deklaruar hapur ndjenjat e tyre dhe nuk kanë munguar as dedikimet romantike në rrjete sociale.
Së fundmi ka qenë Fjolla ajo që ka ndarë një fotografi ‘të nxehtë’ nga plazhi teksa ka pozuar pranë bashkëshortit të saj të ardhshëm. Morina ka rikujtuar momentet e verës, të cilat i ka kaluar me Fisnik Sylën dhe nga pamjet e publikuara shihet se çifti ka pushuar në një nga destinacionet më të bukura që është Ibiza, Spanjë.
Lexo edhe:
Këngëtarja e ka shoqëruar fotografinë me vargjet e këngës “Drunk in love” të Beyonce dhe Jay Z.
