Nata e gjashtë e spektaklit të kërcimit “Dancing With The Stars” nisi në mënyrë madhështore me një interpretim nga këngëtari Alban Skënderaj, shoqëruar me performancë nga trupa e baletit.
Pas interpretimit që shoqërua me duartrokitje të zjarrta nga publiku, këngëtari zbuloi disa surpriza.
“Kam disa këngë që mund të kurorëzohen me një album. Do të finalizoj karrierën me një surprizë në vitin 2014”.
Kemi edhe një surprizë që na lidh bashkë, i tha Alban Skënderaj moderatores Bora Zemani, ndërsa kjo e fundit zbuloi akoma më shumë:
“Në filmin e parë që unë dhe Donaldi jemi duke qepur, ‘5 herë jo’, kolona zanore është nga Alban Skënderaj”.
Spektakli sonte premton surpriza me konkurrentët që do të performojnë nën tingujt e e këngëve të artistit Alban Skënderaj. Konkurrentët janë përgatitur në prova gjatë gjithë javës, pasi kanë zgjedhur një këngë të artistit dhe më pas kanë specifikuar zhanerin që do të kërcejnë.
