Për herë të parë, këtë vit mbahet në Kosovë Festivali i Këngës në RTK, një traditë që në Shqipëri organizohet prej dekadash tashmë, ndërsa edicioni i parë i këtij eventi përtej kufirit është prezantuar nga Adi Krasta, së bashku me Besim Dinën.
Sigurisht, ethet e garës nuk janë aq të vrullshme sa për Festivalin e Këngës në RTSH, duke qenë se fituesi i këtushëm përfaqëson edhe Shqipërinë në Eurovizion, megjithatë sipas organizatorëve atje, mbajtja e festivalit bëhet me qëllimin që të promovojë muzikën dhe kulturën e Kosovës në një nivel ndërkombëtar dhe pse jo, së shpejti edhe Kosova të ketë përfaqëuesin e tij në Eurosong.
Festivali, që nisi mbrëmjen e djeshme, sic e do tradita do zhvillohet në 3 netë, 26-28 tetor dhe ka një juri mjaft cilësore, me emra si të njohur nga të dyja anët e kufirit si: Alma Bektashi, Adi Hila, Alban Nimani, Zake Prelvukaj dhe Ulja Sjostrom.
Lexo edhe:
Sa i takon konkurrentëve, janë 18 e sërish ka emra të njohur në Shqipëri e Kosovë, por edhe mjaft artistë të rinj:
“Shumë herë më nervozojnë” – Agron Hajdari/InorgA
“Dukat” – Arbana Zahiti
“Ajo” – Albin Nikprelaj
“Një zemër për dy” – Angus Dei
“Emri grua” – Ariela Krasniqi
“Çmimi i dashurisë” – Auron Deva
“Merr” – Ermal Demiri
“Oj Kosovë” – Arbër Salihu
“Heroi im” – Neki Emra
“Vetes” – Vjosa Shehu
“Sekreti i tij” – Teuta Statovci
“Trenat” – Klea Dina
“Po ju rrëfehem” – Mentor Mripa
“Mendoj ku je” – Saranda Alija
“Shqip” – Franc Koruni
“Pa ty s’më rrihet” – Hilmi Obertinca
“Marrëzi” – Nita Latifi
“Ëndrrat s’kanë faj” – Urban Band
Sigurisht, në netët e Festivalit, do të ketë edhe performanca nga artistë më në zë të momentit, si kjo e Dafinës mbrëmjen e djeshme:
