Siç dhe kishin paralajmëruar, qytetarët pas ngjarjes së ndodhur më 15 janar, ku një punonjës i Policisë Rrugore të Tiranës u hodh nga një pallat janë mbledhur në shenjë protestë për të kërkuar dejtësi.
Protesta u organizua nga kreu i Lëvizja Bashkë, Arlind Qori, pas spekulimeve në lidhje me shkakun e vërtetë të kryerjes së aktit nga efektivi, Azbi Spahiu.
Me thirrjen e drejtuar nga Qori, burimet bëjnë me dije se protestuesit janë mbledhur para Ministrisë së Brendshme me pankarta në duar: “Shteti i oligarkëve”.
Lexo edhe:
Kujtojmë se ditën e djeshme (19 janar) familjarët e policit të qarkullimit rrugor, Azbi Spahiu, i cili u hodh nga lartësia e një pallati në kryeqytet, dëshmuan se gjendja shëndetësore e familjarit të tyre është drejt përmirësimit.
Ndonëse ata vlerësuan shqetësimet për gjendjen e efektivit, nga ana tjetër kërkuan qetësi deri në rikuperimin e plotë të tij.
