Nëse vetëm e dëgjoni performancen, pa e parë se kush po këndon, nuk do ta bëni dot dallimin nëse është vetë Rona Nishliu apo Ergita Bahja!
Është vetëm 17 vjeçe, por ka një zë të pjekur, me një timbër që përçon emocione në çdo notë.
Konkurente në disa festivale të këngës, Ergita ka ditur përherë si të tërheqë vëmendjen.
Lexo edhe:
Teksa prinderit i ka emocionuar çdo herë, në çdo dalje publike të saj, me performancën e fundit në “Mam, po ti?” tek e “Diela Shqiptare” në Tv Klan, Ergita ngriti në këmbë gjithë publikun në sallë, la gojë hapur jurinë e huaj dhe elektrizoi edhe ata që e ndoqën nga ekrani.
E lindur në qytetin e të madhes Vace Zela, Lushnja, artistja e vogël duket se do ta pushtojë skenën në të njëjtën formë siç bëri dikur edhe Mbretëresha e Këngës Shqiptare, duke na e përjetësuar kujtimin e zërit të saj.
