Vrasja e Klodian Rasha, 25 vjeçarit që u ekzekutua nga policia pas mesnatës së të hënës ka tronditur mbarë opinionin publik.
I riu nuk kishte kryer asnjë krim, përveçse kishte shkelur orarin kufizues të vendosur për shkak të masave anti-covid e megjithatë u qëlluampabesisht me një plumb në zemër.
Pas ngjarjes së rëndë, e cila për ironi të fatit u shënua në Ditën e Rinisë, kanë qenë të shumë personazhet publikë që kanë reaguar. Të njëjtën gjë ka bërë dhe moderatorja e këngëtarja Klea Huta e cila me anë të një statusi në rrjete sociale ka shprehur indinjatën e saj.
Lexo edhe:
“Vetëm para pak orësh mora lajmin e kobshëm të vrasjes së 25-vjeçarit. Cfarë po të ndodh o vendi im? Si vritet një fëmijë nëne me plumb në zemër në mes të natës nga një polic i shtetit? Siii? As që dua t’ia di për shkakun. ai mund të ishte babai, burri, vëllai, kushëriri im, shok e mik, mund të isha unë por mbi të gjitha është jetë njeriu që ti policia e shtetit tim e vrave e ja preve jetën e ëndrrat në mes. Drejtësia të bëjë detyrën dhe pse jetën nuk ia kthen më mbrapsht atij e lotët e nënës s’i than dot kurrë më. Nuk mund ta besoj që kjo ndodhi në vendin tim. Jam e tmerruar”, janë fjalët e Kleas për ngjarjen e kobshme dhe ndarjen tragjike nga jeta të një djali 25 vjeçar.
