Pas suksesit me “Evita”, Elsa Lila do të rikthehet për të dytin vit radhazi në festivalin e fundvitit në RTSH.
Burime ekskluzive pranë artistes i thanë Vip Magazine se paralelisht me koncertin që do të mbajë në Pallatin e Kongreseve, këngëtarja po përgatitet edhe për konkurrimin e saj në Fest 62.
Ajo do të synojë edhe njëherë vendin e parë, dhe kësaj radhe jo vetëm një trofe por edhe biletën për të përfaqësuar Shqipërinë në Eurosong.
Lexo edhe:
Vitin e kaluar Elsa Lila u shpall fituese me votat e jurisë, por publiku vendosi të çojë në kompeticionin europian Albina Kelmendin dhe familjen e saj.
Deri tani janë përfolur disa artistë të cilët do të marrin pjesë në festival. Disa ditë më parë Vip Magazine zbuloi se pjesë e tij do të jetë edhe Luiz Ejlli.
Këngëtari, më i përfoluri i momentit pas pjesëmarrjes në BBV, rikthehet në festival jo si konkurrent, por si ish-fitues për të kënduar në natën e nostalgjisë. /Vip-Magazine.al/
