Ish-banori i Big Brother Elton Tozaj, i njohur për qëndrimet e tij ndaj strategjive të lojtarëve të Big Brother Vip ka komentuar në një intervistë për Vip Magazine rikthimin e Eglit në BBV.
Ai u shpreh se nga qëndrimi që ka mbajtur Egli ndaj Gjestit me hyrjen e dytë në shtëpinë më të famshme në Shqipëri, duket sikur është konsultuar me Xhenetën në mënyrë që ta bëjë atë që t’i shkojë nga pas.
“Egli kur ka dalë jashtë ka bërë një resume me veten. Dhe ka parë jetën e Gjestit, lidhjet që ai ka pasur. Xheneta, si është sjellë me të. Ka thënë me vete pse të mos bëj të njëjtën gjë që ka bërë Xheneta. Në syrin tim, mund të ketë edhe një lloj këshillimi me Xhenetën si duhet të sillet me Gjestin sa i përket pjesës së lidhjes. Nuk po them që ka pasur, por ma m’ u duket sikur pasur një lloj konsultimi”, u shpreh Tozaj.
