Këngëtarja e njohur shqiptare Ronela Hajati ka folur për herë të parë publikisht pas ndarjes nga një lidhje disavjeçare. Ronela ka qenë në një romancë me Young Zerkën por kjo histori ka përfunduar sipas miqve të çiftit pasi Zerka nuk ishte dakord për të zyrtarizuar lidhjen e tyre, në ndryshim nga Ronela.
Pas përfundimit të romancës, Ronela ka treguar për herë të parë publikisht se ajo është beqare dhe se ndihet shumë mirë. Krahas statusit artistja shpjegoi se njeriu nuk mjaftohet asnjëherë as kur është single e as kur është në një lidhje, por për momentin ajo është fokusuar tek projektet e reja.
“Po beqare jam dhe shumë mirë madje. Punë vetëm punë për momentin. Është e vetmja gjë ku jam shumë e fokusuar dhe kur fle mendoj për punë. Jam e izoluar dhe e fokusuar vetëm në punë. Po ndihem shumë mirë.
Njeriu nuk mjaftohet kurrë edhe kur je shumë shumë mirë, prapë do të kesh diçka që nuk e ke. Unë shoh shoqet e mia. Kur janë në një lidhje duan të kalojnë kohë vetëm me shoqet, kur janë vetëm duan lidhje. Kur kanë diçka, duan diçka tjetër. Njeriu nuk ngopet”, u shpreh Ronela gjatë intervistës së fundit të saj në ‘Prive’.
