Një lajm i trishtë vjen për ndarjen nga jeta të një mjeku tjetër për shkak të koronavirusit.
Ditën e sotme ka humbur jetën mjeku pediatër nga Kavaja Hidajet Deda. Prej 40 ditësh ai ishte infektuar me koronavirus, por 20 ditët e fundit ka qenë shtruar në spital.
Të afërmit kanë deklaruar se ai kishte probleme pulmonare post Covid19 të cilat dyshohet se i kanë marrë jetën.
Hidajet Deda ishte në pension, por për shkak të nevojës së spitalit të Kavajës për mjekë të specializuar ai qëndronte në detyrë në shërbim të pacientëve.
Fatkeqësisht ai ndërroi jetë pas infektimit me koronavirus.
