Mes gëzimit dhe pikëllimit, aktorja australiano-amerikane Nicole Kidman, ka fituar çmimin për Aktoren më të Mirë në Festivalin e 81-të të Filmit sot në Venecia (7 shtator).
Nicole Kidman fitoi një çmim për interpretimin e saj në filmin ‘Babygirl ‘, një thriller romantik i gjeneratës së re.
Megjithatë, ajo mungoi në këtë mbrëmje magjepsëse në Festivalin e Filmit në Venecia dhe në skenë u lexua një mesazh i aktores 57-vjeçare.
“Menjëherë pas mbërritjes në Venecia mësova vdekjen e nënës sime Janelle Kidman. Jam në shok dhe kam nevojë të jem me familjen time. Ky çmim është për të”, shkruhej në letrën e lënë nga aktorja
