Dua Lipa është padyshim një nga artistet më të suksesshme shqiptare. Ajo ka arritur majat me projektet e saj pasi vetëm pak kohë më parë njoftoi se klasifikuar si artistja e tretë më e dëgjuar në botë dhe artistja e parë femër më e dëgjuar. Dua merr vëmendjen edhe për shkak të paraqitjes së saj pasi jemi mësuar ta shohim gjithmonë super në formë dhe me një pamje të kuruar.
Artistja ka arritur një tjetër sukses së fundmi, duke rrëmbyer disa çmime mjaft të rëndësishme. Pak kohë më parë ajo publikoi albumin ‘Future Nostalgia’, i cili është pëlqyer së tepërmi nga publiku. Mirëpo, Lipa nuk ndalet duke na bërë krenarë!
Ajo ka triumfuar sërish, këtë herë në eventin e rëndësishëm muzikor në Spanjë, LOS40 Music Awards. 25-vjeçarja ka fituar çmimin “Artisti më i mirë internacional” dhe “Albumi më i mirë internacional”, për albumin e saj të fundit që po korr sukses në mbarë botën.
