“Do të kishte qenë një tragjedi për familjen time!” Amos Zaharia flet pas përfshirjes në aksidentin automobilistik

Fatmirësisht nuk ka patur të lënduar dhe Amosi është shëndosh e mirë ndonëse ka pasur dëme të konsiderueshme materiale. Aktori postoi në llogarinë e tij në Instagram fillimisht një story ku shkruan: “O Zot faleminderit”, duke e lënë të paqartë për ndjekësit se çfarë kishte ndodhur.

Më tej ai ka publikuar një foto të lajmit të aksidentit të ndodhur, ku sërish ka falendëruar Zotin. “Aksident i rëndë në autostradën Tiranë-Durrës. Përplaset BMW, kalon trafikndarëse”- shkruhej në lajmin në fjalë.

Amosi ka folur pas aksidentit që mund të kishte rezultuar fatal duke thënë se automjeti i aksidentuar ka “fluturuar” pranë makinës që drejtohej nga ai.

Lexo edhe:

“Bebit nuk i rreh më zemra!”, rrëfimi prekës i Turjan Hyskos, nga humbja e shtatzënisë së parë të Orinda Hutës dhe ardhja në jetë e Atarës përmes IFV

“Babi do jetë engjëlli jonë mbrojtës”/ Selvije Jao rikthen foton krah Shpat Kasapit dhe djalit, ja mesazhi prekës

E bujshme! Gazetari i madh shqiptar thirret në SPAK, dalin detajet e papritura

“S’keni çfarë të më bëni”, aktori Jul Deda në SPAK: I keni rënë gabim

“Automjeti fluturoi sipër automjetit tim. Po të kisha qenë dy metra prapa do të kishte qenë një tragjedi për familjen time. Më ka ruajtur Zoti”- tha ai për “Eterna News.”

Pamjet nga aksidenti tregojnë se automjeti ka përshkuar trafikndarësen duke kaluar në sensin e kundërt të rrugës.

Ngjarja e rëndë vjen pak ditë pasi aktori u bë kryefjalë e mediave mbi një rrëfim shumë personal ku foli në lidhje me jetën e tij private pas ndarjes së bujshme me këngëtaren Gigliola Haveriku vitin e kaluar. Në një intervistë për “News 24”, aktori tregoi se ka vendosur që mos të rrëfejë më asgjë në lidhje me jetën e tij private, pasi prej 6 vitesh nuk i ka fshehur asgjë publikut. Ai shtoi se “realisht dëshiron të ketë një jetë të tijën personale.”

34-vjeçari foli gjithashtu në lidhje me familjen, duke theksuar se është ende i ri dhe ka ende kohë për ta ndërtuar. Sipas aktorit nuk ka një moshë fikse se kur është koha e duhur për të krijuar familje, por njeriu ka nevojë për eksperienca për të zgjedhur më mirë në të ardhmen.

Sa i përket nisjes së karrierës së tij si aktor, ai tregoi filmi “Shenjtore” mund të konsiderohet si pika e nisjes së karrierës së tij. “Rolin e parë e kam bërë 12 vjeç por ishte një eksperiencë e pandërgjegjshme. Luaja me personazhe të rëndësishme të aktrimit por për mua ishte shumë herët për ta kuptuar nëse kjo ishte gjëja që doja. Por kur bëra filmin “Shenjtore” pashë reagimin e publikut që më shtrënguan dorën, mendova që mbase kjo mund të ishte një alternativë e imja. Pika e nisjes le të themi.”- tha ai.