Protestuesit ndodhen para kryeministrisë, ndërsa Edi Rama po u përgjigjet pyetjeve përmes një lidhjeje live në facebook-un e tij. Një prej tyre i ka kërkuar Ramës që të zbresë poshtë zyrës së tij dhe të flasë para protestuesëve. Kryeministri thotë se nuk flet para atyre që e shajnë dhe atyre që sipas tij kanë X5 e iphonë të fundit, ndërkohë që protestojnë për rritjen e çmimit të naftës.
“Nuk kemi si dëgjohemi këtu përpara se unë jam i gatshëm të dëgjoj dhe të dëgjohem por të shahem dhe të akuzohem dhe të përballem me ulërima për fakte të sajuara. Kjo është humbje kohe për mua. Dal të mbaj një fjalim ku të dëgjohem. Ju vazhdoni me rrëzimin e komunizmit ne do vazhdojmë për njerëzit e zakonshëm. Në krah të atyre që s’kanë X5, të atyre që s’kanë iphone të fundit, në krah të atyre që na kanë pasur në krah dhe do na kenë gjithmonë. Qeveria do hyjë në bordin kombëtar për emergjencën e karburantit janë këtë fazë lufte dhe askush Nëse gënjen veten me gënjeshtra je i destinuar të dështosh”.
Më tej Rama i është përgjigjur akuzave se Shqipëria ka taksën më të lartë të karburantit në Rajon. Ai tha se në taksë përfshihen edhe taksa e qarkullimit dhe karbonit.
Kryeministri Edi Rama edhe njëherë ka bërë të qartë se nuk është qeveria ajo që vendos çmimin e naftës por tregu i lirë. Në një bashkëbisedim me komentuesit online, Rama tha se kjo çmendje e çmimit të naftës është pasojë e luftës.
Rama tha se qeveria po përpiqet të mbrojë familjet dhe biznesin e vogël duke mos rritur çmimin e energjisë elektrike.
“Edhe ne detyrën po bëjmë dhe kemi gjykuar që është detyra jonë të mbrojmë familjarët dhe biznesin e vogël nga rritja në faturat e tyre. Kjo qeveri si asnjë qeveri tjetër kurrën e kurrës nuk mund të akuzohet për mospasjen e vëmendjes së njerëzve të këtij vendi.Thonë ca po të rritet energjia, po rritja e saj prek edhe pensionistët që nuk kanë veturë dhe nga ana tjetër fshihet fakti që fermerët e marrin naftën pa taksa. Duke mbrojtur çmimin e energjisë, i mbrojmë të gjithë.
Shteti nuk ka asnjë lidhje me çmimin e naftës. Shteti nuk vendos, imponon çmime në një ekonomi të lirë tregu. Tashë që do të kemi këtë javë skenarët e përballimit të kësaj lufte që po ndikon edhe te ne. Po pse kërcyen çmimet pas luftës? Ajo atje është edhe lufta e shqiptarëve. Rritja nuk erdhi se Shqipëria iu bashkua sanksioneve. Kjo çmëndje e çmimit të naftës është pasojë e luftës.
