Së shpejti do të dalë në treg libri që ka krijuar shumë debat, i titulluar “Si familja ime krijoi njeriun më të rrezikshëm në botë”. Ky libër është shkruajtur nga mbesa e Donald Trump, e cila e konsideron xhaxhain e saj tashmë si një të huaj për familjen e tyre. Mary ka qenë shumë afër familjes së Trump deri pak kohë pasi ata u shpërngulën në Shtëpinë e Bardhë.
Por, tashmë, ajo ka vendosur të publikojë të gjitha sekretet e familjes, të paktën ato në të cilat ka qenë vetë prezente ose i di nga xhaxhai i saj. Një nga këto sekrete, është dëshira e dikurshme e Trump për të bërë për vete Madonnën.
Asokohe, Trump e kishte fituar statusin e një prej biznesmenëve më të fuqishëm global dhe kishte kërkuar disa herë Madonnës të takoheshin. Madonna nuk ka pranuar të dalë asnjëherë me të, duke e kthyer kështu në një “armik”. Sipas Maryt, Trump ofendonte dhe përbalte çdo grua që refuzonte të dilte me të dhe i tillë ishte edhe rasti i Madonnës. Ai ka bërë disa deklarata përbuzëse ndaj këngëtares dhe sipas Maryt, ka tentuar edhe të bojkotojë aktivitetin e saj artistik.
