Pjesa e parë e ditës do të dominohet nga kthjellime në pothuajse gjithë vendin tonë. Ndërsa në pjesën e dytë të ditës pritet që vranësirat e pakta të jenë prezente në të gjithë territorin, ku më të theksuara vranësirat do të jenë në zonat malore, por nuk do të krijojnë mundësi për reshje. Sipas Meteoalb, temperaturat e ajrit do të ulen në mëngjes dhe në mesditë duke luhatur vlerat ditore nga 7°C deri në 26°C.
Kosova
Prej disa ditësh Kosova ndodhet nën ndikimin e masave ajrore të qëndrueshme, të cilat do të diktojnë kushtet e motit edhe gjatë të enjtes duke sjellë alternime kthjellimesh dhe vranësirash. Parashikohet që kthjellimet më të dukshme të jenë gjatë paradites.
Maqedonia e Veriut
Republika e Maqedonisë së Veriut në orët e para të ditës do të jetë nën ndikimin e motit të kthjellët në pothuajse të gjithë territorin. Por orët e mesditës dhe kryesisht pasditja do të sjellin kalime vranësirash në të gjithë territorin, ku më të dukshme do të jenë në zonat Verilindore.
Europa
Veriu i kontinentit do të vijoj në dominimin e vranësirave të dendura dhe reshjeve të shiut. Gjithashtu në mbizotërimin e masave ajrore të paqëndrueshme atmosferike paraqitet Europa Qendrore. por me vranësira dhe reshje në formë dëbore do të jetë Lindja e kontinenti. Ndërsa nën ndikimin e kthjellimeve dhe kalimeve të vranësirave do të jetë pjesa më e madhe e Jugut të kontinentit.
