Ditën e djeshme në çerdhen “Gëzimi Ynë” është dhunuar nga dy edukatore dhe nje kuzhiniere, një fëmijë 3-vjeçar në Fushë Kosovë.
Daja e nipit i indinjuar, Faton Geci, ka publikuar video-incizimin në llogarinë e tij në Facebook, teksa shihet dhuna e ushtruar ndaj nipit të tij.
Në kamerat e sigurisë shihet qartë që fëmija rrihet e tërhiqet zvarrë dhe me pas e dërgojnë në një dhomë pa kamera ku familjarët pretendojnë se 3 mësueset e kanë rrahur përsëri.
Lexo edhe:
Fëmija ka pësuar trauma të rënda psikike dhe nuk mund të flejë më, po përjeton një ankth të madh. Mbetet për t’u parë se si do të veprojnë organet e drejtësisë.
Gazetari Arton Mulliqi tha se ndaj 3 edukatoreve është dhënë masa e sigurisë 1 muaj paraburgim.
“Policia në Kosovë në këtë fazë të hetimeve nuk jep shumë detaje, janë ndaluar nga policia për 48 orë dhe pritet që sot policia e Kosovës menjëherë të japë informacion shtesë lidhur me ngjarjen. Janë duke hetuar dhe pritet të caktohet masa e paraburgimit për 1 muaj. Ajo që e bën me shqetësuese është që ngjarja ka ndodhur në një kopsht publik jo në privat, siç mund të ketë ndodhur më herët”, tha gazetari.
