Prime i BBVK të shtunën ka nisur me diskutimin nëse mes dy konkurrentëve, Ganiut dhe Brikendës ka një pëlqim apo diçka më shumë se miqësi.
Por, të dy pohuarn se mes tyre ka vetëm shoqëri, e nuk ka ndonjë hapësirë për pëlqim.
Deri këtu gjithçka është në rregull, por më pas vjen komenti i opinionistes Anita Muçaj Haradinaj.
Kjo e fundit e ofendoi gazetarin duke e cilësuar të papërshtatshëm fizikisht me banoren Brikenda Karricaj. Mes kësaj, Anita tha se Brikenda është shumë e bukur, teksa iu drejtua Ganisë: ‘A e ke parë veten në pasqyrë’.
Të shumtë ishin ata që “kryqëzuan” këtë koment, ndërsa së fundmi një reagim ka bërë edhe opinionistja e sezonit të fundit të “BBVA”, Zhaklina Lekatari.
Ajo ka bërë një postim ironizues për Anitën në rrjetin social “Instagram”, ku shkruan: “Nuk e shoh të përshtatshme të komentoj emisionet e tjera, mbi të gjitha kur nuk paguhem për të dhënë opinion, por di të them që: La classe non e’ acqua.”.
Shprehja “La classe non e’ acqua”, përdoret për të thënë që klasi, pra mënyra e sjelljes së një personi, është një karakteristikë e rrallë dhe nuk gjendet si uji.
