Dy mjekë shqiptarë Livia Qose nga Tirana dhe Amir Mamusha nga Prizreni, i kanë dhënë fund beqarisë së tyre me një ceremoni të thjeshtë dhe me maska.
Ata e kishin planifikuar dasmën ta realizonin në Ankara të Turqisë, aty ku jetojnë dhe punojnë prej vitesh. Por për shkak të pandemisë së koronavirusit, çifti e realizoi ceremoninë në një mënyrë të pazakontë.
Dyshja lidhën kurorë vetëm me katër veta, ndërkohë që familjarët e tyre e ndoqën këtë moment të veçantë përmes rrjeteve sociale.
