Këto dy ditë janë zhvilluar protesta për vrasjen e Klodian Rashës. Protestat të cilat kanë agravuar edhe në konfrontime fizike apo dëme të shumta materiale, kanë shkaktuar një sërë polemikash. Ka nga ata persona që e justifikojnë përshkallëzimin e protestave dhe të tjerë që e dënojnë dhunën e përdorur nga protestuesit, kryesisht ndaj objekteve të qytetit. Një prej personazheve që ka reaguar është edhe moderatorja Ori Nebiaj.
“A më thotë dot kush cila protestë paqësore është konsideruar ndonjëherë nga pushteti? Çfarë ndodhi me protestat qytetare të Teatrit? Çfarë ndodhi me protestat e studentëve? Çdo reagim anatemohet me shkak nga pushteti si politike, si vandale, politike, vandale. A e bën politizimi kauzën të drejtë apo të padretë? Kush i bën protestat qytetare? A kemi të tillë në këtë vend? Nëse po, asgjë si ka shqetësuar këta kurrë deri më sot? A kemi edukuar ndonjë brez si qytetarë me precedente të drejta protestash e të drejtash? Është vjedh aq shumë nga pushteti këto 30 vite sa minimumi ça u dogj sot deri nesër të zëvendësohet nga e para e mundësisht dhe nga një zarf me 1000euro t’i çojnë në shtëpi çdo qytetari të këtij vendi. E boll me përralla me mbret qytetarie e intelektualësh që veç dreqi i kupton se çfarë thonë e çfarë duan të shkatërrojnë. Revolucioni ekonomik, kulturor, intelektual nuk vjen nga mendjet e kalbura e të shitura,” ka shkruajtur Ori në Instagram.
