Bieta Sulo dhe Alban Dudushi janë një nga ato çifte që përveç dashurisë së tyre për njëri-tjetrin, ndajnë dhe dashurinë e përbashkët për ekranin. Çifti kanë një djalë së bashku dhe bukuroshja gjithashtu ka një marrëdhënie shumë të mirë edhe me vajzën nga martesa e mëparshme e gazetarit.
Shpesh Bieta e ka konsideruar atë madje si shoqen e saj dhe teksa ditën e sotme, vogëlushja e Albanit (që nuk është më dhe aq e vogël) ka festën e saj të maturës pas përfundimit të gjimnazit, prezantuesja ka postuar disa foto ku shfaqet Albani ku mban Kroin dhe në krah ka vajzën e tij të veshur si një zonjushë e vërtetë dhe krahas i ka dedikuar fjalët më bukura! Në karuselin e fotografive janë dhe disa kujtime të tjera familjare.
“Të jemi të lumtur, për këtë përpiqemi çdo ditë. Por janë momente të veçanta në jetë kur e kupton. E fotografuar, kjo është pamja e saj për mua sot. Gati për në mbrëmjen e maturës (është ajo mosha 18 vjeç që mezi e ke pritur, se pas saj do të bëhet hatajaaaaa.) E kam njohur më të vogël se Kroin sot dhe ja ku jemi: vitet kanë fluturuar, ne jemi 4, 4 shokë në dy skuadra, 2 shoqet e ngushta përballë skuadrës së çunave.”
