Ish-konkurrentes së “Për’puthen”, Alvisa Qarrit, i kishin vjedhur llogarinë zyrtare në “Instagram”. Si pasojë, asaj i kanë publikuar disa biseda të ndryshme, ku mes tyre ishte dhe një me Albin.
Në bisedën në fjalë, duket që Bashkimi ka pasur dhe të dashura të tjera, për të cilat Alvisa ka qenë në dijeni.
“Bashkimin nuk e lënë të dashurat”, është shprehur Albi. Ndërsa një screenshot tjetër tregon se si Alvisa ka komunikuar me personin që i ka marrë adresën nga një “Instagram” tjetër.
Ajo ka thënë se e di kush fshihet pas këtij veprimi dhe i ka kërkuar të ndalojë. Pak kohë më vonë, Alvisa ka arritur ta rimarrë “Instagram”-in dhe ka bërë të ditur se do të merren masa për këtë shkelje privatësie.
“Ju kërkoj ndjesë për bisedat dhe gjithçka që u publikua. Do merren masa për këtë shkelje privatësie”, ka shkruar ajo.
