Detaje të reja janë zbuluar në lidhje me ekzekutimin e Erigers Mihasit dhe Armand Dumanin mbrëmjen e së shtunës në zonën e “Astrit”.
Burime nga grupi i hetimit bëjnë me dije se kamerat e sigurisë të kompanisë që po bën punimet në zonën e Unazës së Re kanë filmuar atentatin.
Autorët duken vetëm si hije. Ata mbajnë kapele dhe nuk bëhet i mundur identifikimi i tyre. Automjeti i autorëve ishte i vjedhur dhe denoncuar në Korrik të këtij viti.
Nga makina e djegur në Thumanë përveç dy armëve që dyshohet se u përdoren në ekzekutim nuk është bërë i mundur të përftohen prova të tjera. Armët janë me numra serial të fshirë.
