Aktori dhe regjisori i njohur plagoset rëndë në një aksident me motor

Regjisori dhe aktori francez Mathieu Kasowitz është shtruar në spital në gjendje të rëndë pas një aksidenti me motor në zonën e Parisit.

Kasowitz u dërgua në spitalin Kremlin-Bicetre, afër Parisit, sipas autoriteteve në rajonin Essonne, ku ndodhi aksidenti. Gjendja e tij ka lënë të shqetësuar familjarët.

Një burim policor i tha AFP se artisti 56-vjeçar po merrte një mësim për drejtimin e motoçikletës në qarkun Linas-Montlery.

Lexo edhe:

iUTE Credit jep 4 milionë me ID-në e tjetrit, D&A Fin Partner i shkon viktimës për përmbarim

Përfshihet nga flakët kati i gjashtë i hotel Radisson në Tiranë, klientët dalin me urgjencë

Nuk ndalet fundosja e Euros, prek nivelin më të ulët historik

Monedhat e huaja nuk dalin nga “gremina”, me sa shiten euro dhe dollari

Një hetim për shkaqet e lëndimeve u hap nga zyra e prokurorit publik Evry dhe iu besua brigadës së sigurisë urbane të Sainte-Geneviève-des-Bois (Essonne). Aktualisht po vijon dëgjimi i dëshmitarëve të aksidentit, mes të cilëve edhe instruktori i shoferit të aktorit.

Kasovits, krijuesi i shumëçmuar “Urrejtja” (1995), ka luajtur në dhjetëra filma (“Amelie”, “Café au lait”, “Elementi i pestë”, “Amen” i Kostas Gavras dhe të tjerë). Filmi i fundit në të cilin ai mori pjesë, ‘Visions’, një thriller psikologjik i Yann Gozlan me Diane Kruger, po shfaqet aktualisht në Francë.