Aksidentoi për vdekje këmbësorin, e pëson keq drejtuesi mjetit 19-vjeçar

Një 19-vjeçar është arrestuar në qytetin e Durrësit pasi aksidentoi për vdekje një këmbësor.

19-vjeçari i cili udhëtonte me një automjet tip “Benz”, mbrëmjen e të dielës ka përplasur një 50-vjeçar i cili ishte duke ecur.

Për shkak të dëmtimeve të shumta, 50-vjeçari humbi jetën në spital.

Lexo edhe:

Zjarri në hotelin “Brooklyn” në Vlorë, ndërron jetë 25-vjeçarja që pësoi djegie në 85% të trupit

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

“Jam Bashkim Ulaj, më sill 100 mijë euro”, të rinjtë mashtrojnë kambistin përmes AI

Mbi 31% interesi i kredisë, por IUTE ankohet se mediat po i largojnë klientët

Njoftimi i policisë:

Aksidentoi një këmbësor, me pasojë vdekjen, arrestohet në flagrancë 19-vjeçari.

Specialistët e Sektorit të Qarkullimit Rrugor të Drejtorisë Vendore të Policisë Durrës arrestuan në flagrancë shtetasin E. Z., 19 vjeç, për veprën penale “Shkelja e rregullave të qarkullimit rrugor”, me pasojë vdekjen e një personi.

Rreth mesnatës, në lagjen nr. 17, automjeti tip “Benz” që drejtohej nga 19-vjeçari, ka përplasur shtetasin I. D., rreth 50 vjeç (këmbësor), i cili për shkak të dëmtimeve të marra, ka humbur jetën në spital.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.