A irritoheni kur dikush që përtypet pranë jush? Kur dikush pi kafe apo godet tastet e kompjuterit? Nuk jeni të vetmit. Pse disa janë kaq të ndjeshëm ndaj tingujve? Përgjigja qëndron në një çrregullim të trurit të quajtur misofoni, i cili shkakton shpërthime zemërimi, ankthi dhe, ndonjëherë, sulme paniku.
Shkencëtarët kanë zbuluar se arsyeja pse disa ndjejnë siklet kur dëgjojnë zhurma të vogla, si përtypja e ushqimit, është misofonia, e cila prek deri në 20% të njerëzve. Përgjigja e zakonshme për këdo që ankohet për tingullin që bën tjetri kur përtyp çamçakëz është “mos e ekzagjeroni”.
Këto njerëz ka shumë gjasa që të vuajnë nga “misofonia”. Sipas hulumtimit, disa tinguj – veçanërisht të të ngrënit, të pirit dhe të frymëmarrjes – mund të nxisin aktivitetin në pjesët e trurit që merren me emocionet. Kjo mund të shkaktojë një reagim të fortë emocional, duke çuar në zemërim ose ankth.
Lexo edhe:
Mizofonia mund të ndodhë edhe tek fëmijët e vegjël, deri në atë pikë sa ata shqetësohen aq shumë nga tingujt që bëjnë të tjerët kur hanë, saqë mund të hanë vetëm kur janë vetëm. Komuniteti shkencor thekson se duhet shumë më tepër punë për të kuptuar se çfarë e shkakton misofoninë dhe si të trajtohet.
